TSD 4 库比尔滑雪缆车

酒店位置極佳，距離Placa Catalunya 同Universitat兩個地鐵站都只係幾分鐘步程，對面又有的士站，出行好方便。附近好多餐廳食肆，對面亦有間中國人開嘅超市要補給生活所需都唔係問題。酒店外觀有D殘舊，但內部裝修又唔係。第一次入住嗰陣比咗間無窗嘅房我，都無所謂因為只係住兩晚，但由於近住房務員關係，結果兩個朝早九點未夠就比佢地嘈醒！房間size算ok，但張床太軟瞓到腰痛，冷氣太凍又無得較温度。唯獨大堂接待員好有禮貌同熱誠，英文亦流利，攞返唔少分數。因為我係朝早到埗，但都唔使等好耐就可以提早入住。到第二次再住時因為我已經講左我嘅要求，所以比左間大D嘅房我，有窗有露台，冷氣亦無咁凍。總括黎講呢間酒店位置一流，但係設施非常不足，大堂連一部電腦都無，我想上網印D野都要去幾條街以外。呢個價錢我無諗住要有埋泳池同健身室，但係一兩部可以上網嘅電腦真係好基本野，因為有時電郵入面嘅附件需要印岀嚟 ，智能電話未必幫到手。另外Expedia送比我嘅25歐羅消費額我無用過 ，因為只適用於酒吧，如果可以兌換做早餐就更好！